امریکی وزیر خزانہ اسکاٹ بیسنٹ نے کہا ہے کہ یورپی یونین بھارت کے ساتھ تجارتی معاہدے کے ذریعے بالواسطہ طور پر روس کو مالی فائدہ پہنچا رہی ہے۔ ان کے مطابق روسی خام تیل بھارت میں ریفائن ہونے کے بعد یورپ پہنچتا ہے، جس سے ماسکو کی آمدن برقرار رہتی ہے۔
بیسنٹ کا کہنا تھا کہ امریکا نے روسی توانائی سے متعلق سخت اقدامات کیے اور بھارت پر روسی تیل کی خریداری کے باعث اضافی ٹیرف بھی لگائے، جبکہ یورپ نے اسی دوران بھارت کے ساتھ تجارتی تعلقات بڑھا لیے۔
دوسری جانب بھارت اور یورپی یونین طویل عرصے سے جاری آزاد تجارتی معاہدے کو حتمی شکل دینے کے قریب ہیں، جسے یورپی قیادت نے انتہائی اہم قرار دیا ہے۔
امریکا کا یورپی یونین پر بھارت ڈیل کے ذریعے روس کو فائدہ پہنچانے کا الزام
