سعودی سٹاک مارکیٹ میں اصلاحات سے اربوں ڈالر کی سرمایہ کاری متوقع، ایرک ٹرمپ کا بیان

ٹریڈ اور بزنس ماہر ایرک ٹرمپ نے سعودی عرب کی سٹاک مارکیٹ کو غیر ملکی سرمایہ کاروں کے لیے کھولنے کے حالیہ فیصلے کو سراہتے ہوئے کہا ہے کہ اس اقدام سے اربوں ڈالر کی اضافی سرمایہ کاری مملکت میں آئے گی۔ یکم فروری 2026 سے عالمی سرمایہ کار بغیر کسی سابقہ پابندی کے سعودی سٹاک مارکیٹ میں حصہ لے سکیں گے۔
ایرک ٹرمپ نے ریاض اور الدرعیہ میں جاری ترقیاتی منصوبوں کی بھی تعریف کی اور کہا کہ غیر ملکی سرمایہ کاری نہ صرف مارکیٹ بلکہ تجارت سیاحت اور دیگر شعبوں کے لیے بھی فائدہ مند ہوگی۔ سعودی عرب کی جنرل اتھارٹی برائے شماریات کے مطابق 2025 کی تیسری سہ ماہی میں غیر ملکی سرمایہ کاری میں پچھلے سال کے مقابلے میں 34.5 فیصد اضافہ ہوا۔
ایرک ٹرمپ نے مزید بتایا کہ دار گلوبل کے تحت ریاض اور جدہ میں شروع ہونے والے دو ٹرمپ لگژری منصوبوں کی مجموعی مالیت 10 ارب ڈالر ہے، جس میں الدرعیہ میں ٹرمپ نیشنل گالف کورس اور ٹرمپ انٹرنیشنل ہوٹل شامل ہیں، اور ان کا کہنا تھا کہ الدرعیہ میں ہونے والی ترقی حیرت انگیز ہے۔