کراچی میں سرد موسم بدستور جاری ہے اور آج شہر کا درجہ حرارت کافی کم ریکارڈ کیا گیا۔ مختلف علاقوں میں ٹھنڈ کی شدت محسوس کی جا رہی ہے، جہاں بعض مقامات پر درجہ حرارت سنگل ڈیجٹ تک گر گیا۔ جناح ٹرمینل کے اطراف سب سے زیادہ سردی رہی جبکہ گلستان جوہر شاہراہ فیصل، ماڑی پور اور بن قاسم جیسے علاقوں میں بھی ٹھنڈ نمایاں طور پر محسوس کی گئی۔
محکمہ موسمیات کے مطابق آئندہ ایک دن کے دوران موسم خشک اور رات کے وقت سرد رہنے کا امکان ہے، جبکہ دن میں موسم نسبتاً معتدل ہو سکتا ہے۔ ہوا میں نمی کی مقدار درمیانی سطح پر ہے اور ہلکی رفتار سے شمال مشرقی ہوائیں چل رہی ہیں، جو سردی کے احساس کو مزید بڑھا رہی ہیں۔
کراچی میں سردی کی شدت برقرار، درجہ حرارت سنگل ڈیجٹ میں
