بحر اوقیانوس میں روسی پرچم والے آئل ٹینکر کو تحویل میں لینے کے امریکی اقدام پر برطانیہ کا مؤقف سامنے آگیا ہے۔ برطانوی وزارت دفاع کے مطابق اس کارروائی میں امریکا کی درخواست پر برطانیہ نے تعاون فراہم کیا۔
وزارت دفاع کا کہنا ہے کہ یہ معاونت بین الاقوامی قوانین کے دائرے میں رہتے ہوئے کی گئی، جبکہ امریکا اور برطانیہ کے دفاعی تعلقات انتہائی مضبوط ہیں۔
واضح رہے کہ اس واقعے پر روس نے شدید رد عمل ظاہر کرتے ہوئے امریکی اقدام کو بحری قزاقی قرار دیا ہے اور کہا ہے کہ ٹینکر بین الاقوامی پانیوں میں موجود تھا، جبکہ جہاز پر موجود روسی عملے کی حفاظت اور وطن واپسی یقینی بنائی جائے۔
روسی آئل ٹینکر کے معاملے میں برطانیہ نے امریکا کی حمایت کی
