بھارت میں میچز پر تحفظات، بی سی بی کو آئی سی سی کی وضاحتی ای میل موصول

بھارت میں میچز نہ کھیلنے کے معاملے پر بنگلادیش کرکٹ بورڈ کو انٹرنیشنل کرکٹ کونسل کی جانب سے ای میل موصول ہوئی ہے۔ بی سی بی ذرائع کے مطابق آئی سی سی نے بنگلادیش سے سیکیورٹی خدشات کی نوعیت اور تفصیلات طلب کی ہیں، جس کا تفصیلی جواب آج دیا جائے گا۔
ذرائع کا کہنا ہے کہ اس حوالے سے نہ کوئی ورچوئل میٹنگ ہوئی ہے اور نہ ہی پوائنٹس کٹوتی سے متعلق کوئی انتباہ دیا گیا ہے۔ واضح رہے کہ بی سی بی نے سیکیورٹی وجوہات کی بنا پر ٹی ٹوئنٹی ورلڈ کپ کے میچز بھارت سے باہر منتقل کرنے کی درخواست کی تھی، جس پر مختلف میڈیا رپورٹس میں متضاد دعوے سامنے آتے رہے ہیں۔