بیت المقدس میں احتجاج کے دوران بس حادثہ، ایک ہلاک متعدد زخمی

مقبوضہ بیت المقدس میں احتجاج کے دوران ایک تیز رفتار بس آرتھوڈوکس یہودی مظاہرین پر چڑھ گئی، جس کے نتیجے میں ایک 18 سالہ اسرائیلی نوجوان ہلاک اور تین افراد زخمی ہو گئے۔ حکام کے مطابق ڈرائیور کو موقع پر ہی گرفتار کر لیا گیا۔
یہ واقعہ اس وقت پیش آیا جب ہزاروں آرتھوڈوکس یہودی فوج میں لازمی بھرتی کے خلاف احتجاج کر رہے تھے۔ حادثے کے بعد مظاہرین نے سڑکیں بند کر دیں، بسوں پر پتھراؤ کیا اور پولیس پر مختلف اشیا پھینکیں، جبکہ بعض مقامات پر کچرے کے ڈبوں کو بھی آگ لگا دی گئی۔