امریکا نے اپنی سفری پابندیوں کی فہرست کو 19 سے بڑھا کر 30 سے زیادہ ممالک تک توسیع دینے پر غور شروع کر دیا ہے۔ ہوم لینڈ سیکیورٹی کی سیکریٹری کرسٹی نوم نے بتایا کہ صدر ٹرمپ مزید ممالک کا جائزہ لے رہے ہیں جن پر پابندیاں عائد کی جا سکتی ہیں، تاہم نام ظاہر نہیں کیے گئے۔
اس کے ساتھ ہی H-1B ویزا درخواست گزاروں اور ان کے اہل خانہ کے لیے اسکریننگ مزید سخت کر دی گئی ہے۔ نئی پالیسی کے تحت تمام درخواست دہندگان کو اپنے سوشل میڈیا اکاؤنٹس کی پرائیویسی سیٹنگز پبلک رکھنا ہوں گی، یہ ہدایت 15 دسمبر سے نافذ ہوگی۔
امریکی حکام کے مطابق، ویزا انٹرویو سے پہلے درخواست گزاروں کی آن لائن سرگرمیوں کا تفصیلی جائزہ لیا جائے گا، کیونکہ ویزا سہولت ہے، کوئی حق نہیں، اور ہر فیصلہ قومی سلامتی کو مدنظر رکھ کر کیا جاتا ہے۔