امریکا نے روس—یوکرین جنگ کے لیے نیا امن منصوبہ خاموشی سے منظور کر لیا

امریکی صدر ڈونلڈ ٹرمپ نے روس اور یوکرین کے درمیان جنگ ختم کرنے کے لیے تیار کیے گئے نئے امن منصوبے کی منظوری دے دی ہے۔ امریکی میڈیا کے مطابق یہ منصوبہ خفیہ مشاورت کے بعد تشکیل دیا گیا، جس کی قیادت خصوصی ایلچی اسٹیو وٹکوف کر رہے ہیں۔

اطلاعات کے مطابق وٹکوف نے روسی سفیر اور یوکرینی صدر کے سیکیورٹی مشیر سے اس منصوبے پر بات چیت بھی کی ہے۔ امن پلان کے 28 نکات میں یوکرین کے لیے سیکیورٹی گارنٹیز، یورپی سلامتی، اور مستقبل میں امریکا، روس اور یوکرین کے باہمی تعلقات جیسے امور شامل ہیں۔

رپورٹس میں یہ امکان بھی ظاہر کیا گیا ہے کہ اس منصوبے کے تحت یوکرین کو کچھ علاقوں اور اسلحے سے دستبردار ہونا پڑ سکتا ہے۔