پنجاب کے وسطی اضلاع آج بھی شدید فضائی آلودگی کی لپیٹ میں ہیں، متعدد شہروں میں فضا کا معیار خطرناک حد تک خراب ہو چکا ہے۔
ایئر کوالٹی انڈیکس کے مطابق ملتان کے قادر پوراں میں آلودگی 719، قصور میں 668، فیصل آباد میں 562، گوجرانوالہ میں 550 جبکہ لاہور اور شیخوپورہ میں 480 ریکارڈ کی گئی۔
محکمہ ماحولیات کے مطابق بھارت کے سرحدی علاقوں سے آنے والی آلودہ ہوائیں پنجاب کے شہروں میں داخل ہو رہی ہیں، جس سے اسموگ میں اضافہ ہوا ہے۔
آلودگی پر قابو پانے کے لیے 12 محکمے مشترکہ کارروائیاں کر رہے ہیں، اب تک 10 ہزار سے زائد نوٹسز جاری، 190 فیکٹریاں اور بھٹے جرمانے یا سیل کیے جا چکے ہیں۔