سعودی عرب کے علاقے الافلاج میں ایک سعودی شہری نے اپنے بھارتی ملازم عبدالجبار کے اعزاز میں شاندار الوداعی تقریب منعقد کی۔
عبدالجبار نے 48 سال تک سپیئر پارٹس شوروم میں خدمات انجام دیں اور رخصتی کے موقع پر انہیں تحائف اور اعزازات سے نوازا گیا۔
شوروم کے مالک حمد ابودجین نے کہا کہ عبدالجبار صرف ملازم نہیں بلکہ خاندان کا حصہ تھے، ہم نے تقریباً نصف صدی ایک ساتھ گزاری۔
عبدالجبار نے بھی کہا کہ انہوں نے کبھی اپنے آجر سے تلخی محسوس نہیں کی، اور سعودی عوام کی مہمان نوازی اور حسنِ سلوک نے انہیں ہمیشہ اپنا سا محسوس کرایا۔
یہ رفاقت محض کام کا رشتہ نہیں بلکہ انسانیت اور وفاداری کی ایک خوبصورت مثال بن گئی۔