قطر اور ترکیے نے پاکستان اور افغانستان کے درمیان جنگ بندی کے فیصلے کا خیر مقدم کیا ہے۔
قطری وزارتِ خارجہ کے مطابق یہ اقدام سرحدی کشیدگی کم کرنے اور خطے میں دیرپا امن قائم کرنے میں مددگار ثابت ہوگا۔
ترک وزارتِ خارجہ نے بھی اپنے بیان میں کہا کہ ترکیے دونوں ممالک کے درمیان امن و استحکام کی کوششوں کی مکمل حمایت جاری رکھے گا۔
واضح رہے کہ پاکستان اور افغانستان نے حال ہی میں فوری جنگ بندی پر اتفاق کیا ہے، جس کے تحت دونوں ممالک ایک دوسرے کی سرزمین کا احترام کریں گے۔
قطر اور ترکیے کی پاک افغان جنگ بندی پر خوشی، خطے میں امن کی امید
