وزیراعلیٰ پنجاب مریم نواز نے سعودی عرب کے قومی دن پر عوام اور قیادت کو مبارکباد دیتے ہوئے کہا کہ سعودی عرب کی خوشی پاکستان کی خوشی ہے۔ ان کا کہنا تھا کہ سعودی عرب محض دوست نہیں بلکہ ہر مسلمان کے لیے عقیدت کا مرکز ہے، اور دونوں ممالک کا دفاعی معاہدہ امتِ مسلمہ کے لیے ڈھال کی حیثیت رکھتا ہے۔
انہوں نے مشکل وقت میں پاکستان کا ساتھ دینے پر سعودی عوام اور قیادت کا شکریہ ادا کیا اور مملکت کے امن و ترقی کے لیے نیک خواہشات کا اظہار بھی کیا۔