لاہور ہائیکورٹ نے ڈاکٹر شاہد صدیق قتل کیس میں گرفتار ملزم شاہد ندیم کی ضمانت منظور کر لی۔

تفصیلات کے مطابق جسٹس امجد رفیق نے بعد از گرفتاری ضمانت کی درخواست پر سماعت کی۔ ملزم کے وکیل میاں عثمان رفیق نے مؤقف اپنایا کہ پولیس نے جھوٹا اور بے بنیاد مقدمہ درج کیا ہے اور ملزم کا واقعے سے کوئی تعلق نہیں۔

دوسری جانب تفتیشی افسر نے عدالت میں ضمانت کی مخالفت کی۔ فریقین کے دلائل مکمل ہونے پر عدالت نے شاہد ندیم کی درخواست ضمانت منظور کر لی اور 5 لاکھ روپے کے مچلکوں کے عوض رہائی کا حکم دے دیا۔