پنجاب حکومت نے سیلاب سے متاثرہ علاقوں میں بحالی آپریشن شروع کرنے کا فیصلہ کیا ہے۔ وزیراعلیٰ مریم نواز نے سڑکوں، پلوں اور دیگر انفرااسٹرکچر کی فوری مرمت کی ہدایت دی ہے۔
ضلع اور تحصیل کی سطح پر فلڈ ریلیف کمیٹیاں قائم کر دی گئی ہیں جبکہ سروے فارم، موبائل ایپ اور مانیٹرنگ ڈیش بورڈ بھی متعارف کرا دیا گیا ہے۔ وزیراعلیٰ خود ڈیش بورڈ کے ذریعے امدادی کارروائیوں کی نگرانی کریں گی۔
بحالی کے سروے میں اربن یونٹ، ریوینیو، زراعت اور فوج کے نمائندے شامل ہوں گے۔ مریم نواز کا کہنا ہے کہ ہر متاثرہ خاندان کے نقصان کا ازالہ کیا جائے گا اور کوئی بھی ریلیف سے محروم نہیں رہے گا۔