اسلام آباد ڈسٹرکٹ اینڈ سیشنز عدالت نے سامعہ حجاب اغوا اور دھمکی کیس میں گرفتار ملزم حسن زاہد کا جسمانی ریمانڈ مزید تین دن کے لیے بڑھا دیا۔
ملزم کو ابتدائی پانچ روزہ ریمانڈ مکمل ہونے پر پیش کیا گیا جہاں وکیلِ صفائی نے مؤقف اختیار کیا کہ عدالت کو پہلے گزشتہ ریمانڈ کے نتائج جاننے چاہییں۔ سماعت کے دوران فریقین کے درمیان لین دین کی تفصیل اور سامعہ کے والدین کا ویڈیو بیان بھی عدالت میں پیش ہوا۔
پراسیکیوٹر کے مطابق ملزم سے 45 ہزار روپے برآمد ہوچکے ہیں جبکہ اس کی گاڑی، اسلحہ اور ساتھیوں کی برآمدگی ابھی باقی ہے۔ انہوں نے مزید آٹھ روزہ ریمانڈ کی استدعا کی لیکن عدالت نے صرف تین روز کی توسیع دی۔