کیف میں یوکرین کی انٹیلی جنس نے ایک خصوصی کارروائی میں روسی خفیہ ایجنسی ایف ایس بی سے تعلق رکھنے والے ایجنٹس کو ہلاک کر دیا۔ ان پر کرنل ایوان ورونووچ کے قتل کا الزام تھا۔
ایس بی یو کے مطابق، ایجنٹس نے گرفتاری کے دوران مزاحمت کی، جس پر انہیں ہلاک کر دیا گیا۔ ہلاک ہونے والے افراد کی تعداد ظاہر نہیں کی گئی، تاہم ایک مرد اور ایک خاتون کو قتل میں ملوث قرار دیا گیا ہے۔
قتل کے لیے سائلنسر والی پستول ایک خفیہ جگہ سے دی گئی تھی، اور دونوں ملزمان واردات کے بعد روپوش ہو گئے تھے، لیکن آخرکار انہیں تلاش کر لیا گیا۔
یوکرینی ایجنسی روسی حملے کے بعد سے نہ صرف سیکیورٹی بلکہ تخریبی کارروائیوں میں بھی متحرک کردار ادا کر رہی ہے۔