فلسطینی فٹبال ایسوسی ایشن کے مطابق اسرائیلی فورسز نے قومی ٹیم کی 20 سالہ خاتون فٹبالر رند حلوانی کو حراست میں لے لیا ہے۔ رپورٹ کے مطابق یہ گرفتاری منگل کی شام عمل میں آئی۔
عرب میڈیا کے مطابق مغربی کنارے سے مزید چار فلسطینی خواتین کو بھی گرفتار کیا گیا ہے، جن پر مختلف الزامات عائد کیے گئے ہیں۔ اسرائیلی حکام کا کہنا ہے کہ ان افراد پر مشتبہ سرگرمیوں میں ملوث ہونے کا شبہ ہے۔ فلسطینی تنظیموں کے مطابق اس وقت درجنوں فلسطینی خواتین مختلف جیلوں میں قید ہیں۔