طائف کے کمشنر شہزادہ فواز بن سلطان نے تاریخی ڈسٹرکٹ کا دورہ کیا جہاں انہوں نے شہر کے قدیم ورثے، ثقافتی مقامات اور بحالی کے جاری منصوبوں کا جائزہ لیا۔
دورے کے دوران انہوں نے روایتی مکانات، دستکاری کے مراکز، قدیم بازار اور مقامی چھوٹے کاروباروں کا مشاہدہ کیا۔ حکام نے انہیں سیاحوں کے لیے فراہم کی جانے والی سہولیات اور تاریخی عمارتوں کی بحالی سے متعلق اقدامات پر بریفنگ دی۔
کمشنر نے اس بات پر زور دیا کہ طائف کی تاریخی شناخت کو محفوظ رکھتے ہوئے اسے ایک اہم سیاحتی اور ثقافتی مرکز کے طور پر مزید ترقی دی جائے۔
واضح رہے کہ طائف مکہ مکرمہ کے قریب ایک اہم تاریخی اور تجارتی مقام ہے جو قدیم دور میں قافلوں اور حج راستوں کے لیے مرکزی حیثیت رکھتا تھا، جبکہ مکہ مکرمہ اسلامی تاریخ میں خصوصی اہمیت کی حامل ہے۔