امریکی وزیر خارجہ مارکو روبیو نے کہا ہے کہ امریکا لبنان کی قانونی حکومت کی مکمل حمایت جاری رکھے گا اور ملک میں استحکام کے قیام کے لیے تعاون کرتا رہے گا۔
اپنے بیان میں انہوں نے کہا کہ لبنان کو اپنی رٹ مضبوط بنانے اور عوام کے بہتر مستقبل کے لیے اقدامات کرنے کی ضرورت ہے۔ ان کے مطابق حزب اللّٰہ کی جانب سے دباؤ، تشدد یا حکومت کو کمزور کرنے کی کوششیں کامیاب نہیں ہونے دی جائیں گی۔
مارکو روبیو نے مزید کہا کہ وہ وقت گزر رہا ہے جب ایک مسلح گروہ پورے ملک کے فیصلوں پر اثر انداز ہوتا تھا۔