امریکا اور چین میں دفاعی اور حساس شعبوں سے وابستہ سائنسدانوں کی پراسرار اموات اور گمشدگیوں نے خدشات بڑھا دیے ہیں۔ رپورٹس کے مطابق یہ سائنسدان جوہری ٹیکنالوجی، مصنوعی ذہانت، خلائی تحقیق اور جدید ہتھیاروں سے متعلق منصوبوں پر کام کر رہے تھے۔
میڈیا رپورٹس کے مطابق متعدد واقعات کی تحقیقات جاری ہیں، جبکہ بعض حلقوں میں ان واقعات کے پسِ منظر پر سوالات اٹھائے جا رہے ہیں۔ امریکی ادارہ ایف بی آئی بھی معاملے کی چھان بین کر رہا ہے۔
مبصرین کے مطابق ان اموات کی وجوہات مختلف بتائی جا رہی ہیں، تاہم حساس نوعیت کے کام کے باعث یہ واقعات عالمی توجہ کا مرکز بن گئے ہیں۔