ویسٹ انڈیز چیمپئن شپ کا ایک میچ پچ کی خراب اور خطرناک صورتحال کے باعث روک کر ختم کر دیا گیا۔
ویوین رچرڈز اسٹیڈیم میں لیوارڈ آئی لینڈ اور ٹرینیڈاڈ اینڈ ٹوباگو کے درمیان جاری میچ کے دوران تیسرے روز کھیل اس وقت روک دیا گیا جب پچ کا باؤنس غیر متوقع اور خطرناک ہو گیا، جس سے کھلاڑیوں کی حفاظت پر خدشات پیدا ہو گئے۔
اسی دوران ایک کھلاڑی کو گیند لگنے کے بعد طبی امداد کے لیے اسپتال منتقل کیا گیا، جہاں ان کی حالت اب بہتر بتائی جا رہی ہے۔ کرکٹ حکام نے کہا ہے کہ آئندہ میچ سے قبل پچ کی مکمل بہتری کو یقینی بنایا جائے گا۔