سعودی مہم جُو اور کاروباری شخصیت بدر الشیبانی کو نیویارک کے معزز ’دا ایکسپلوررز کلب‘ کا بین الاقوامی رکن منتخب کر لیا گیا ہے۔ یہ انتخاب سعودی عرب کے مہم جُوؤں کی عالمی سطح پر بڑھتی ہوئی موجودگی کو ظاہر کرتا ہے۔
الشیبانی نے اپنی مہمات میں ساتوں برِاعظمی چوٹیوں، ربع الخالی صحرا، قطبِ منجمد جنوبی اور دیگر سخت ماحول میں سفر کیا۔ وہ اپنے تجربات کی دستاویزی فلمیں بھی بناتے ہیں تاکہ ماحول اور انسانی مہم جوئی سے متعلق آگاہی کو فروغ دیا جا سکے۔
الشیبانی کے مطابق یہ رکنیت ان کے سفر کا انتہائی اہم سنگِ میل ہے، اور مہم جوئی آج صرف مقامات دریافت کرنے تک محدود نہیں بلکہ انسانیت اور ماحول کے تعلق کو سمجھنے کا بھی نام ہے۔