وفاقی وزیر چوہدری سالک حسین سے اوورسیز پاکستانیز فاؤنڈیشن (او پی ایف) کے اعلیٰ حکام نے ملاقات کی جس میں بیرونِ ملک پاکستانیوں کی فلاح و بہبود کے لیے جاری اور مجوزہ منصوبوں پر تفصیلی تبادلہ خیال کیا گیا۔ بریفنگ کے دوران حادثاتی انشورنس، صحت اور پنشن اسکیموں، مکمل فنڈڈ اسکالرشپس، میت کی وطن واپسی کے اخراجات، اسکل ٹریننگ پروگرامز اور مشرقِ وسطیٰ میں تعلیمی اداروں کے قیام جیسے اہم اقدامات پر روشنی ڈالی گئی۔ وفاقی وزیر نے ان منصوبوں کو سراہتے ہوئے ہدایت کی کہ مالی استحکام اور بہتر سروس ڈیلیوری کے لیے مجوزہ فریم ورک پر تیزی سے عملدرآمد یقینی بنایا جائے تاکہ او پی ایف بیرونِ ملک پاکستانیوں کو مزید مؤثر خدمات فراہم کر سکے۔
بیرونِ ملک پاکستانیوں کے لیے فلاحی منصوبوں میں توسیع، او پی ایف کی وفاقی وزیر سے اہم ملاقات
