وینزویلا نے پہلی مرتبہ سرکاری طور پر دعویٰ کیا ہے کہ امریکی کارروائی کے نتیجے میں 100 افراد جان سے گئے۔ وزیر داخلہ ڈیوسڈاڈو کابیلو کے مطابق کراکس میں صدر نکولس مادورو کو گرفتار کرنے کی کوشش کے دوران شدید حملے ہوئے، جن میں درجنوں افراد زخمی بھی ہوئے۔
ان کا کہنا تھا کہ اس کارروائی میں صدر مادورو اور ان کی اہلیہ سیلیا فلورس زخمی ہوئیں، جبکہ دونوں اس وقت امریکی تحویل میں ہیں۔ کابیلو کے مطابق یہ حملہ غیر معمولی طور پر شدید تھا۔
اس سے قبل ہلاکتوں کی حتمی تعداد جاری نہیں کی گئی تھی، جبکہ غیر ملکی میڈیا اور امریکی حکام مختلف اعداد و شمار پیش کرتے رہے ہیں۔ یاد رہے کہ 3 جنوری کو امریکی اسپیشل فورسز کی جانب سے کراکس میں رات گئے کارروائی کیے جانے کی اطلاعات سامنے آئی تھیں۔
وینزویلا کا امریکی کارروائی میں 100 ہلاکتوں کا دعویٰ
