سیکیورٹی اداروں نے کراچی میں دہشت گردی کے ایک بڑے منصوبے کو بروقت کارروائی کرتے ہوئے ناکام بنا دیا۔ بلدیہ رئیس گوٹھ کے علاقے سے چار ٹن سے زائد دھماکا خیز مواد برآمد کیا گیا جو ڈرموں میں بھر کر شہر منتقل کیا جا رہا تھا۔
حکام کے مطابق کارروائی کے دوران 60 ڈرم 5 گیس سلنڈر اور ایک منی ٹرک تحویل میں لے لیا گیا۔ یہ کارروائی زیر حراست دہشت گردوں کی معلومات پر کی گئی، جبکہ بم ڈسپوزل اسکوڈ نے برآمد شدہ مواد کو محفوظ طریقے سے ناکارہ بنا دیا۔
کراچی میں بڑی دہشت گرد کارروائی ناکام، بھاری مقدار میں بارودی مواد برآمد
