وفاقی وزیر چوہدری سالک حسین نے آٹھویں ابوظہبی ڈائیلاگ میں پاکستان کی نمائندگی کی اور متحدہ عرب امارات کی حکومت کا بروقت مکالمے کے انعقاد پر شکریہ ادا کیا۔ انہوں نے کہا کہ یہ فورم ایشیا اور خلیجی ممالک کے درمیان ہنر اور میرٹ پر مبنی پائیدار شراکت داری کو فروغ دینے کا مؤثر ذریعہ بن چکا ہے۔ وزیر نے قابل تجدید توانائی، تعمیرات، صحت اور ڈیجیٹل شعبوں میں پاکستانی افرادی قوت کی تیاری اور فری لانسرز کی عالمی کامیابیوں کا ذکر کیا۔ پاکستان ہنر سے روزگار، سافٹ اسکلز اور مزدوروں کی فلاح کے لیے تعاون بڑھانے کا خواہاں ہے اور غیر قانونی ہجرت و انسانی اسمگلنگ کے خلاف زیرو ٹالرنس پالیسی پر قائم ہے۔
