پاکستانی اداکارہ اور ڈیجیٹل کری ایٹر تمکنت منصور نے انسٹاگرام پر ایک ویڈیو کے ذریعے شوبز انڈسٹری کے ایک ساتھی فنکار پر تنقید کی، جس نے خواتین اداکاراؤں کی عمر کے حوالے سے ناپسندیدہ اور متنازع بیانات دیے تھے۔
تمکنت نے اس رویے کو معاشرتی سطح پر پیڈو فیلیک سوچ قرار دیتے ہوئے کہا کہ ایسے خیالات کم عمر لڑکیوں اور بچوں کے ساتھ ہراسانی کے جرائم کو فروغ دیتے ہیں۔ انہوں نے والدین سے بھی اپیل کی کہ وہ اپنے بچوں کے دوست بنیں اور انہیں اچھے اور برے ٹچ کے بارے میں آگاہ کریں۔
اداکارہ نے واضح کیا کہ ایسے افراد معاشرے میں موجود ہیں جو کم عمر لڑکیوں کو موردِ الزام ٹھہراتے ہیں، اور انہیں فوراً روکا جانا چاہیے تاکہ معاشرتی تحفظ یقینی بنایا جا سکے۔