آئی سی سی ٹی 20 ورلڈ کپ 2026ء کے حوالے سے بنگلادیش اور آئی سی سی کے درمیان تنازع کے بعد سری لنکا نے اپنا مؤقف واضح کر دیا ہے۔ سری لنکا کے کرکٹ سیکریٹری بندولا ڈسانائیکے نے کہا کہ کولمبو علاقائی سیاسی کشیدگی میں شامل نہیں ہوگا اور غیر جانبدار رہنے کو ترجیح دیتا ہے۔
بنگلا دیش نے سیکیورٹی خدشات کے باعث بھارت میں شیڈول میچز سری لنکا منتقل کرنے کی درخواست کی تھی، جسے آئی سی سی نے مسترد کر دیا اور بنگلادیش کی جگہ اسکاٹ لینڈ کو ٹورنامنٹ میں شامل کر لیا۔
ڈسانائیکے کے مطابق سری لنکا بھارت پاکستان اور بنگلادیش سب کے دوستانہ تعلقات کو برقرار رکھنا چاہتا ہے اور مستقبل میں کسی بھی ملک کی میزبانی کی درخواست پر غور کیا جائے گا۔
سری لنکا کے وزیر کھیل سنیل کمارا گامگے نے کہا کہ ٹورنامنٹ کے پرامن انعقاد کو اولین ترجیح دی جا رہی ہے، خاص طور پر پاکستان اور بھارت کے میچز پر توجہ مرکوز ہے۔
ٹی 20 ورلڈ کپ 7 فروری سے شروع ہو کر 8 مارچ کو فائنل کے ساتھ اختتام پذیر ہوگا۔
ٹی20 ورلڈ کپ: سری لنکا نے بنگلادیش تنازع پر غیر جانبداری اختیار کر لی
