خضدار کے قریب درمیانی شدت کا زلزلہ، کوئی نقصان رپورٹ نہیں

بلوچستان کے علاقے خضدار اور گردونواح میں زلزلے کے جھٹکے محسوس کیے گئے۔ زلزلہ پیما حکام کے مطابق ریکٹر اسکیل پر شدت 4.3 ریکارڈ ہوئی جبکہ اس کی گہرائی تقریباً 12 کلومیٹر تھی۔
ماہرین کا کہنا ہے کہ زلزلے کا مرکز خضدار شہر سے لگ بھگ 70 کلومیٹر جنوب مغرب کی جانب واقع تھا۔ جھٹکوں کے بعد شہری خوف کے باعث گھروں سے باہر نکل آئے، تاہم کسی جانی یا مالی نقصان کی اطلاع موصول نہیں ہوئی۔