پشاور میں 24 انچ قطر کی مرکزی گیس ٹرانسمیشن لائن پھٹنے سے پشاور، مردان اور سوات میں گیس کی فراہمی شدید متاثر ہوگئی۔ ڈپٹی کمشنر کے مطابق یہ لائن تینوں شہروں کے لیے بنیادی ذریعہ تھی۔
سوئی نادرن نے عارضی طور پر 16 انچ کی متبادل لائن سے گیس بھیجنا شروع کر دی ہے، لیکن اس کی کم گنجائش کے باعث سپلائی میں نمایاں کمی رہے گی۔ گھریلو صارفین کو مخصوص اوقات میں گیس فراہم کی جائے گی جبکہ سی این جی اسٹیشنز بند کر دیے گئے ہیں۔
جی ایم سوئی ناردرن وقاص شنواری کے مطابق پائپ لائن پھٹنے کا واقعہ ممکنہ طور پر تخریب کاری کا نتیجہ ہے، کیونکہ عام لیکج سے آگ بھڑکنے کا امکان کم ہوتا ہے۔ پائپ لائن کی مرمت جاری ہے۔