بلوچستان سے تعلق رکھنے والی کھلاڑی ثروت فاطمہ نے ملائیشیا میں ہونے والی بیڈمنٹن چیمپئن شپ میں شاندار کارکردگی دکھاتے ہوئے دو گولڈ میڈلز اپنے نام کر لیے۔
ثروت فاطمہ کا کہنا ہے کہ یہ کامیابی ان کی محنت، لگن اور کھیل سے محبت کا نتیجہ ہے۔ انہوں نے اپنی کامیابی کا کریڈٹ اپنے والد اور پاک فوج کے تعاون کو دیا، جنہوں نے ہر مرحلے پر ان کی حوصلہ افزائی کی۔
انہوں نے مستقبل میں پاک فوج کا حصہ بن کر ملک کا نام مزید روشن کرنے کی خواہش بھی ظاہر کی، جبکہ ان کی اس کامیابی کو ملک بھر میں سراہا جا رہا ہے۔