سینئر اداکارہ بشریٰ انصاری نے ساتھی فنکار فردوس جمال کے حالیہ متنازع بیانات پر سخت ردِعمل دیتے ہوئے کہا ہے کہ کسی بھی فنکار کو دوسروں کی تضحیک کا حق حاصل نہیں۔ ایک وی لاگ میں انہوں نے کہا کہ وہ فردوس جمال کی عزت کرتی ہیں، تاہم اس انداز کی گفتگو افسوسناک ہے۔ بشریٰ انصاری نے مزید کہا کہ منفی رویہ نہ صرف دوسروں بلکہ ذاتی زندگی پر بھی اثر انداز ہوتا ہے، اس لیے فنکاروں کو ذمہ داری کا مظاہرہ کرنا چاہیے۔
