پاکستان آنے والی غیر ملکی ایئرلائنز کو ہدایت دی گئی ہے کہ وہ واپسی کے لیے اضافی ایندھن ساتھ لے کر آئیں، کیونکہ ملک میں انہیں محدود مقدار میں فیول فراہم کیا جائے گا۔ اس حوالے سے پاکستان ایئرپورٹس اتھارٹی نے باقاعدہ نوٹم جاری کر دیا ہے۔
حکام کے مطابق مقامی ایئرلائنز کو ان کی ضرورت کے مطابق مکمل ایندھن فراہم کیا جا رہا ہے، جبکہ غیر ملکی پروازوں کو قلت کا سامنا ہے۔ ذرائع کا کہنا ہے کہ اضافی فیول کے باعث بعض ایئرلائنز کو سامان اور کارگو کم کرنا پڑ رہا ہے، حتیٰ کہ ایک پرواز کو ایندھن کے لیے مسقط میں لینڈنگ بھی کرنا پڑی۔