کراچی کے علاقے پی آئی بی کالونی میں رینجرز اور ایس آئی یو نے مشترکہ آپریشن کرتے ہوئے بھتہ خوری میں ملوث 5 ملزمان کو گرفتار کر لیا۔
ترجمان رینجرز کے مطابق کارروائی کے دوران ملزمان نے اہلکاروں پر فائرنگ کی، جس پر جوابی کارروائی میں 2 مطلوب افراد زخمی حالت میں پکڑے گئے۔ گرفتار افراد کے قبضے سے اسلحہ اور گولیاں بھی برآمد ہوئی ہیں۔
حکام کا کہنا ہے کہ ملزمان فیکٹری مالکان، بلڈرز اور تاجروں سے بھتہ وصول کرنے میں سرگرم تھے۔