سعودی ولی عہد شہزادہ محمد بن سلمان اور لبنان کے صدر جوزف عون کے درمیان ٹیلی فونک رابطہ ہوا جس میں لبنان اور خطے کی مجموعی صورتحال پر تبادلہ خیال کیا گیا۔
سعودی خبر رساں ایجنسی کے مطابق گفتگو کے دوران امن و استحکام کے لیے جاری کوششوں پر بھی بات ہوئی۔ لبنانی صدر نے اپنے ملک کے لیے سعودی عرب کی مسلسل حمایت اور تعاون پر شکریہ ادا کیا۔
سعودی ولی عہد نے لبنان کی خودمختاری، علاقائی سالمیت اور اتحاد کے تحفظ کے لیے مملکت کی حمایت کے عزم کا اعادہ کیا۔
یاد رہے کہ خطے میں حالیہ جنگ بندی کے بعد صورتحال نسبتاً بہتر ہوئی ہے جبکہ آئندہ دنوں میں فریقین کے درمیان مزید مذاکرات متوقع ہیں۔