اداکارہ اور میزبان جویریہ سعود نے پوڈکاسٹرز کی جانب سے میرا اور سعود کے ماضی سے متعلق گفتگو دوبارہ اٹھانے پر سخت ردعمل دیا ہے۔
سوشل میڈیا پوسٹ میں انہوں نے کہا کہ میرا، سعود اور ریما جیسے فنکاروں کو بار بار پرانی باتوں میں گھسیٹنے سے کسی کی عزت یا حیثیت میں اضافہ نہیں ہوتا۔ ان کا کہنا تھا کہ ایسے موضوعات سے کسی بھی فنکار کی محنت اور مقام متاثر نہیں ہوتا۔
جویریہ سعود نے مزید کہا کہ کچھ لوگ سستی شہرت کے لیے غیر ضروری اور کم معیار کی گفتگو کا سہارا لیتے ہیں، جبکہ حقیقی شہرت محنت اور ٹیلنٹ سے حاصل ہوتی ہے۔
ان کے اس بیان کو سوشل میڈیا پر خاصی حمایت مل رہی ہے اور صارفین کی جانب سے پوڈکاسٹرز کے رویے پر بھی تنقید کی جا رہی ہے۔