آسٹریلیا کے خلاف ون ڈے سیریز میں پاکستان ٹیم انتظامیہ نئے وکٹ کیپرز کو آزمانے پر غور کر رہی ہے، جبکہ محمد رضوان کی جگہ بھی خطرے میں پڑ گئی ہے۔
ذرائع کے مطابق کوچ مائیک ہیسن ون ڈے ٹیم میں تبدیلیوں کے خواہش مند ہیں اور نوجوان کھلاڑیوں کو موقع دینے پر غور کیا جا رہا ہے۔
کیمپ میں مرزا سعد بیگ اور عثمان خان بطور وکٹ کیپر موجود ہیں، جبکہ غازی غوری کی شمولیت کا بھی امکان ظاہر کیا جا رہا ہے۔
پاکستان اور آسٹریلیا کے درمیان ون ڈے سیریز کا آغاز 30 مئی سے ہوگا، جبکہ قومی ٹیم 22 مئی سے راولپنڈی میں تربیتی کیمپ شروع کرے گی۔