وفاقی وزیر چوہدری سالک حسین نے گل پلازا میں پیش آنے والے افسوسناک سانحے پر گہرے دکھ اور رنج کا اظہار کیا ہے۔ انہوں نے کہا کہ دکھ اور مصیبت کی اس گھڑی میں وہ متاثرہ خاندانوں کے ساتھ کھڑے ہیں۔ وفاقی وزیر نے زخمیوں کی جلد صحت یابی اور جاں بحق افراد کے لیے مغفرت کی دعا کرتے ہوئے کہا کہ اللہ تعالیٰ مرحومین کو جنت الفردوس میں اعلیٰ مقام عطا فرمائے اور لواحقین کو صبرِ جمیل دے۔ اس موقع پر میاں فخر پگانوالہ نے بھی سانحے پر افسوس کا اظہار کیا اور متاثرین سے ہمدردی کا اعلان کیا۔
