اداکار دراب خلیل نے کہا ہے کہ ان کے والد کے تنازعات کا ان کے کیریئر پر کوئی منفی اثر نہیں پڑا۔
ایک ویب شو میں گفتگو کرتے ہوئے انہوں نے بتایا کہ ان کے والد، ڈرامہ نگار خلیل الرحمٰن قمر نے کبھی انہیں شوبز میں آگے بڑھانے کے لیے سفارش یا فون کا سہارا نہیں لیا، بلکہ ہمیشہ خود محنت کرنے پر زور دیا۔
دراب خلیل کے مطابق انہیں فلم ساز بننے اور انڈسٹری میں جگہ بنانے کے لیے طویل وقت لگا، اور کئی سال بعد وہ ہمایوں سعید اور ندیم بیگ کی جانب سے پروجیکٹس کا حصہ بنے۔
انہوں نے کہا کہ وہ اپنے والد کے بارے میں لوگوں کی مختلف آراء کو سمجھتے ہیں، لیکن ان کے گھر کا ماحول اور پیشہ ورانہ زندگی الگ چیزیں ہیں، اس لیے وہ ذاتی طور پر ان تنازعات میں نہیں الجھتے۔