شارع فیصل پر ٹریفک بحال، کئی علاقوں میں پانی جمع

کراچی میں شارع فیصل کے ڈرگ روڈ سے ناتھا خان روڈ تک ٹریفک بحال ہو گیا ہے۔ تاہم، ناتھا خان سے ملیر ہالٹ تک سڑکوں پر خراب گاڑیاں موجود ہیں۔ گورنر ہاؤس، شاہین کمپلیکس، گرومندر چورنگی، قیوم آباد چورنگی، ٹاور، آئی آئی چندریگر روڈ، ایف ٹی سی، پی اے ایف میوزیم، اور یونیورسٹی روڈ پر صفورا کے قریب برساتی پانی جمع ہے۔

ٹریفک پولیس کے مطابق، ڈرگ روڈ، لیاقت آباد، ناظم آباد، اور گلستان جوہر انڈر پاسز پانی جمع ہونے کی وجہ سے بند ہیں۔ کلفٹن انڈر پاس کھول دیا گیا، لیکن کلفٹن سب میرین انڈر پاس ٹریفک کے لیے بند ہے۔