کراچی کے گل پلازہ میں لگنے والی آگ کو تقریباً 33 گھنٹے بعد مکمل طور پر بجھا دیا گیا ہے، تاہم عمارت میں کولنگ اور سرچ آپریشن بدستور جاری ہے۔ ریسکیو اداروں کے مطابق مزید لاشیں ملنے کے بعد جاں بحق افراد کی تعداد 14 ہو گئی ہے، جبکہ 22 زخمی اسپتالوں میں زیر علاج ہیں۔
حکام کا کہنا ہے کہ عمارت شدید مخدوش ہے اور اندر زیادہ دیر رہنا خطرناک ہے، اسی لیے محدود انداز میں ریسکیو کیا جا رہا ہے۔ متعدد لاشیں شناخت کے قابل نہیں، جبکہ لاپتہ افراد کے موبائل نمبرز کی مدد سے تلاش کا عمل جاری ہے۔
دوسری جانب گورنر سندھ نے متاثرین کو معاوضہ دلانے کی یقین دہانی کرائی ہے، جبکہ میئر کراچی نے امدادی سرگرمیاں تیز کرنے کی ہدایت دی ہے۔ صدر الیکٹرانکس ڈیلرز ایسوسی ایشن نے سانحے پر آج مارکیٹیں بند رکھنے کا اعلان کیا ہے۔
گل پلازہ آتشزدگی پر قابو، ہلاکتیں 14 تک پہنچ گئیں
