گل پلازہ آتشزدگی: میئر کراچی نے تاخیر کے الزامات مسترد کر دیے

میئر کراچی مرتضی وہاب نے آتشزدگی سے متاثرہ گل پلازہ کا دورہ کرتے ہوئے کہا کہ فائر بریگیڈ کی جانب سے تاخیر کا تاثر غلط ہے۔ ان کے مطابق واقعے کی اطلاع رات 10:27 پر ملی اور محض 15 منٹ میں امدادی ٹیمیں موقع پر پہنچ گئیں۔
انہوں نے بتایا کہ تقریباً 65 افراد لاپتہ ہیں اور ہجوم کے باعث ریسکیو آپریشن میں مشکلات پیش آئیں۔ میئر نے کہا کہ عمارت کے پچھلے حصے سے بھی کارروائی جاری ہے، تاہم آگ پر مکمل قابو اور کولنگ کے عمل کی مدت کے بارے میں ابھی کچھ کہنا قبل از وقت ہے۔