پاکستان اور ویسٹ انڈیز کے درمیان ون ڈے سیریز پر تاحال فیصلہ نہیں ہو سکا

پاکستان نے ویسٹ انڈیز کرکٹ بورڈ کو تجویز دی ہے کہ طے شدہ تین ون ڈے میچز کو ٹی ٹوئنٹی میں تبدیل کر دیا جائے، تاہم ویسٹ انڈیز بورڈ شیڈول میں کوئی تبدیلی نہیں چاہتا۔
ویسٹ انڈیز کے سی ای او کرس ڈیہرنگ نے کہا ہے کہ ہم پی سی بی سے رابطے میں ہیں اور معاملے پر آئی سی سی اجلاس کے دوران مزید بات چیت ہوگی۔ ویسٹ انڈیز ٹیم زیادہ ون ڈے میچز کھیلنے کی خواہاں ہے تاکہ ورلڈکپ 2023 نہ کھیلنے کا ازالہ کیا جا سکے۔