پاکستانی اداکارہ سارہ عمیر نے پہلی بار اپنی طلاق کی خبر سب کے سامنے رکھتے ہوئے کہا کہ وہ اب سنگل پیرنٹ کے طور پر زندگی گزار رہی ہیں۔
سارہ عمیر، جنہوں نے 2008ء میں پی ٹی وی سے اداکاری کا آغاز کیا اور کئی کامیاب ڈراموں میں کام کیا، نے 2014ء میں ہدایتکار محسن طلعت سے شادی کے بعد شوبز کو چھوڑ دیا تھا۔ تاہم حالیہ دنوں میں وہ ریئلٹی شو تماشا سیزن 4 میں شرکت کے بعد ایک پروگرام میں جلوہ گر ہوئیں اور اپنی طلاق کی تصدیق کر دی۔
انہوں نے بتایا کہ طلاق چند ماہ قبل ہوئی تھی اور یہ ان کے لیے ذہنی دباؤ کا باعث رہی، لیکن تماشا شو نے انہیں سکون دیا۔ سارہ نے کہا کہ وہاں فون اور دنیاوی تعلقات سے دوری نے انہیں نیا حوصلہ دیا۔