لاہور میں کھیلے جا رہے پہلے ٹیسٹ کی پہلی اننگز میں جنوبی افریقہ کی ٹیم 269 رنز بنا کر آؤٹ ہوگئی، جس کے بعد پاکستان کو 109 رنز کی سبقت حاصل ہوگئی۔
مہمان ٹیم نے تیسرے دن 6 وکٹوں پر 216 رنز سے کھیل کا آغاز کیا مگر باقی چار وکٹیں صرف 53 رنز کے اضافے پر گر گئیں۔ ٹونی ڈی زورزی نے 104 اور ریان ریکلٹن نے 71 رنز بنائے۔
پاکستان کی جانب سے نعمان علی نے شاندار بولنگ کرتے ہوئے 6 وکٹیں حاصل کیں، جبکہ ساجد خان نے 3 اور سلمان علی آغا نے ایک کھلاڑی کو آؤٹ کیا۔
اس سے قبل پاکستان نے پہلی اننگز میں 378 رنز بنائے تھے، جس میں امام الحق اور سلمان علی آغا 93، 93 رنز کے ساتھ نمایاں رہے۔