غزہ سے ایک اور اسرائیلی یرغمالی کی لاش حوالگی، تین کی باقیات اب بھی لاپتہ

حماس نے ایک اسرائیلی یرغمالی کی لاش ریڈ کراس کے ذریعے اسرائیل کے حوالے کر دی جس کی شناخت فرانزک ماہرین نے منی گوڈارڈ کے طور پر کی۔ وہ 7 اکتوبر 2023 کے حملے میں ہلاک ہوئے تھے اور ان کی لاش غزہ لے جائی گئی تھی۔

اسرائیلی حکام کے مطابق اب بھی تین یرغمالیوں کی باقیات غزہ میں موجود ہیں، جبکہ حکومت نے یقین دہانی کرائی ہے کہ تمام لاشوں کو واپس لانے کی کوششیں جاری رہیں گی۔

واضح رہے کہ اکتوبر کی جنگ بندی کے دوران حماس نے 20 زندہ یرغمالیوں کو رہا کیا تھا، جس کے بدلے میں اسرائیل نے تقریباً دو ہزار فلسطینی قیدیوں کو چھوڑا تھا۔