اداکارہ ہانیہ عامر نے حال ہی میں ایک میک اَپ مقابلے میں مداحوں کے سوال پر بے ساختہ جواب دے کر ایک بار پھر عاصم اظہر کے ساتھ تعلق کی قیاس آرائیوں کو ہوا دی۔
جب ایک مداح نے ان سے پوچھا کہ آپ کا پسندیدہ گلوکار کون ہے، ہانیہ نے مسکراتے ہوئے کہا: “کیا آپ چاہتی ہیں کہ میں عاصم اظہر کا نام لوں؟” یہ جواب سن کر ہال قہقہوں سے گونج اٹھا اور ہانیہ خود بھی ہنس پڑیں۔
مداحوں نے ان لمحے کا موازنہ بھارتی اداکارہ انوشکا شرما کے انداز سے کیا، جب وہ اپنے شوہر ویرات کوہلی کے ساتھ تعلق میں تھیں۔
یہ قیاس آرائیاں اس وقت زور پکڑیں جب عاصم اظہر نے اپنی سابق منگیتر سے علیحدگی اختیار کی اور حالیہ تقریبات میں ہانیہ کے ساتھ نظر آئے، تاہم دونوں نے تاحال ان خبروں کی تصدیق یا تردید نہیں کی۔