برطانوی وزیرِ اعظم کیئر اسٹارمر نے مستعفی ہونے والے وزارتی معاونین کی جگہ نئی شخصیات کو ذمہ داریاں سونپ دی ہیں۔
برطانوی میڈیا کے مطابق ڈیوڈ برٹن سیمپسن کو محکمۂ صحت، لِنزی فارن ورتھ کو وزارتِ انصاف، جبکہ جین کرکہم کو ماحولیات کے شعبے میں معاون مقرر کیا گیا ہے۔
اسی طرح مائیکل پین کو وزارتِ داخلہ، ٹم روکا کو محکمۂ محنت اور شان ووڈکاک کو کابینہ معاون کی ذمہ داری دی گئی ہے۔
کیئر اسٹارمر نے حالیہ سیاسی دباؤ اور انتخابی نتائج پر بات کرتے ہوئے کہا کہ وہ اپنی ذمہ داری قبول کرتے ہیں اور عوام کو امید دینے کیلئے کام جاری رکھیں گے۔