وفاقی وزیر چوہدری سالک حسین نے بنکاک، تھائی لینڈ میں منعقدہ انٹرنیشنل ٹرائی پارٹائٹ میٹنگ برائے سپورٹنگ گراس روٹس ایکٹیویٹیز (SGRA) میں شرکت کی، جہاں مختلف ممالک کے وزراء، سرکاری نمائندوں، تاجر تنظیموں اور مزدور رہنماؤں نے شرکت کی۔ اپنے خطاب میں وفاقی وزیر نے کہا کہ پاکستان مزدوروں کی فلاح و بہبود کو قومی ترقی کا بنیادی ستون سمجھتا ہے۔ انہوں نے بتایا کہ ای او بی آئی اور ورکرز ویلفیئر فنڈ کے ذریعے مزدوروں کو سہولیات فراہم کی جا رہی ہیں جبکہ NAVTTC کے تحت نوجوانوں کو جدید تکنیکی اور ڈیجیٹل مہارتوں کی تربیت دی جا رہی ہے۔ بیرون ملک محفوظ اور منظم روزگار کے لیے مائیگرنٹ ریسورس سینٹرز کا قیام بھی عمل میں لایا گیا ہے۔ انہوں نے اس بات پر زور دیا کہ حکومت، آجر اور مزدور تنظیموں کے درمیان مضبوط تعاون ہی پائیدار اور منصفانہ ترقی کی ضمانت ہے۔
