وزیراعلی خیبر پختونخوا سہیل آفریدی کی زیر صدارت صوبائی کابینہ کے اجلاس میں ضلع ٹانک میں نئی تحصیل کے قیام کی منظوری دے دی گئی۔
کابینہ نے لیویز شہداء کے لواحقین کے لیے 385 ملین روپے کی اضافی گرانٹ کی منظوری بھی دی جبکہ کم آمدنی والے گھرانوں کے لیے رمضان سپورٹ پیکج کی بھی توثیق کی گئی۔
اجلاس میں قرآن بورڈ کی از سرنو تشکیل اور نیشنل کمیشن برائے اقلیتی حقوق کے ارکان کی تقرری کی منظوری دی گئی۔ جنوبی اضلاع میں پولیس انفراسٹرکچر منصوبوں کے لیے اضافی فنڈز جاری کرنے کا فیصلہ بھی کیا گیا۔
کابینہ نے خیبر پختونخوا کالاش میرج بل 2025 اور ہندو میرج ترمیمی بل 2025 کی منظوری دے دی۔ تحصیل باڑہ میں فروٹ اینڈ ویجیٹیبل مارکیٹ کی تعمیر ڈبلیو ایس ایس پی حدود میں آرپی سی مین ہول کورز کی تنصیب اور مردان میں قبرستان کے لیے زمین کی ادائیگی کی بھی منظوری دی گئی۔
مزید برآں خواتین کو با اختیار بنانے کی پالیسی 2026 تا 2030 کے مسودے کی بھی منظوری دے دی گئی۔
ضلع ٹانک میں نئی تحصیل کے قیام کی منظوری
